Тайи ним қарни гузашта таҳқиқоти зиёд ва гуногунабъоде аз сӯи марказҳои беҳдоштӣ ва клиникии баъзе кишварҳо дар бораи таъсири рӯза ва имсок ба саломатии ҷисмонӣ ва равонии инсон сурат гирифта ва баъзе донишмандони ғарбӣ онро ҳам ба ҳайси тибби беҳдоштӣ тавсия ва ҳам ба унвони усули дармонӣ барои анвое аз бемориҳо ба кор бурдаанд. Дар кишвари собиқ Иттиҳоди Шӯравӣ (СССР) низ натавонистаанд аз осор ва фавоиди беҳдоштӣ ва равонии имсок ва гуруснагӣ сарфи назар намоянд, балки Вазорати тандурустии СССР соли 1952 ба таври расмӣ онро ба унвони яке аз усулҳои дармонӣ таъйид намуд.

Донистани фиқҳ ва манҳаљи Имом Абуҳанифа барои наслҳои баъдӣ танҳо ба воситаи кору фаъолият ва таълифу тадвини шогирдони ӯ имконпазир гаштааст. Ёрони Имом дар ҳалқаи дарс бо ӯ масоили мухталифро мавриди таҳлилу баррасӣ қарор дода, пас аз расидан ба як раъйи муайян онро китобат мекарданд. Ба ин муносибат лозим аст, то дар се маврид мулоҳиза ва ибрози назар шавад.

Дар шароити авҷ гирифтани равандҳои ҷаҳонишавӣ ва тезутунд гардидани бархӯрди арзишҳо, махсусан арзишҳои дунявию динии бунёдгаро мақом ва нақши фарҳанги таҳаммулпазирӣ дар таъмини сулҳу субот ва оромии ҷомеа ниҳоят бузург арзёбӣ мегардад. Ногузирии ҳамзистии фарҳангҳои гуногун ва зарурати пешбурди ҳаёт инсонро водор  сохтааст, ки роҳи созишу муросо ва сабру таҳаммулро коркард намояд ва ба зиндагӣ бо нигоҳи нав – некбинонаю хайрхоҳона назар кунад.  

Санаи 7-уми апрели соли 2022 дар доираи нақша-чорабиниҳои муштараки Маркази исломшиносӣ бо Вазорати маоириф ва илми ҶТ Директори муассисаи давлатии “Маркази исломшиносӣ” дар назди Президенти Ҷумҳурии Тоҷикистон Холиқзода А.Ғ. бо ҳайати омӯзгорон ва донишҷӯёни филиали Донишгоҳи давлатии Москва ба номи М.В. Ломоносов дар мавзӯи мазмуну муҳтавои Қонун «Дар бораи танзими анъана ва ҷашну маросим дар Ҷумҳурии Тоҷикистон» вохӯрӣ анҷом дод.