ГУЛШАНИ АДАБ

«Фақр» чизе аст, ки ҳама ҷо сар мекашад.
Фақр, гуруснагӣ нест, урёнӣ ҳам нест. Фақр чизеро надоштан аст, вале он чиз пул нест, тило ва ғизо ҳам нест.
Фақр ҳамон гарди хокест, ки бар китобҳои фурӯшнарафтаи як китобфурӯшӣ менишинад.
Фақр, шабро «беғизо» сар кардан нест, фақр, рӯзро «беандеша» оғоз кардан аст!

09/10/ 2022с
Бознашр аз саҳифаи Хирад

❗Эй забони Балъамиву Рӯдакӣ,
Меҳри ту парвардаам аз кӯдакӣ.
“Шоҳнома” бо ту обу ранг ёфт,
Дар ҷаҳон халқам зи ту фарҳанг ёфт.
Ибни Сино дар Бухорои куҳан,
Кошт дар марзи шифо тухми сухан.
Бо ҳамин имло Низомӣ зода буд,
Бар ту, эй лафзи дарӣ, дил дода буд.
Килки пуршӯри Камол андар Хуҷанд,
Бо ту иншо кард ашъори баланд.
Мисли Саъдӣ, Ҷомии ширинкалом,
Дурри маънӣ суфт бо азми тамом.
Ҳарчи оҳанги гуворо медиҳӣ,
Анҷуманро зебу оро медиҳӣ.
Сабз бодо, то абад домони ту,
Эй муборак бод ин даврони ту!

Аз гӯсфанде пурсиданд, ки агар ту гург будӣ чӣ кор мекардӣ?
Гӯсфанд гуфт: ман гургҳоро ба алаф хӯрдан одат медодам то дигар ба гӯсфандони бегуноҳ ҳамла накунанд.
Аз гурге ҳам пурсиданд, ки агар ту гӯсфанд будӣ чӣ кор мекардӣ?
Гуфт: ман ба гӯсфандҳо меомӯхтам, ки чӣ тавр бо ду пойи ақибашон ба сари гургҳо бизананд ва онҳоро бикушанд.

Натиҷа: зоти ҳеҷ ҳайвонеро наметавон иваз кард.

Бознашр аз саҳифаи Ҳ. Ғафурӣ

Баргардон: Ҳ.Ғафурӣ

❗Ҳоли дунёро бипурсидам ман аз фарзонае,
Гуфт - ё об аст, ё хок аст, ё парвонае!
Гуфтамаш аҳволи умрамро бигӯ, ин умр чист?
Гуфт - ё барқ аст, ё бод аст, ё афсонае!
Гуфтамаш инҳо, ки мебинӣ чаро дилбастаанд?
Гуфт - ё хобанд, ё мастанд, ё девонае!
Гуфтамаш аҳволи ҷонамро пас аз мурдан бигӯ,
Гуфт - ё боғ аст, ё нор аст, ё вайронае!
✍️Абӯсаиди Абулхайр.

Бознашр аз саҳифаи Марвориди форсӣ - тоҷикӣ