Президенти Ҷумҳурии Тоҷикистон Эмомалӣ Раҳмон бо Президенти Федератсияи Русия Владимир Путин суҳбати телефонӣ анҷом доданд

Нашр шуд ср, 08/24/2022 - 00:18

Имрӯз суҳбати телефонии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Федератсияи Русия муҳтарам Владимир Путин доир гардид.
Дар ҷараёни суҳбати дӯстона сарони ду давлат дар идомаи муколамаи мунтазами худ ҷанбаҳои алоҳидаи муносибатҳои дӯстӣ ва ҳамкориҳои байнидавлатии Тоҷикистону Русия, ҳамчунин дурнамои рушди минбаъдаи онҳоро дар чорчуби шарикии стратегӣ баррасӣ намуданд.

ЁЗДАҲ ҲИКМАТИ БУЗУРГОН АЗ «БАҲОРИСТОН»-И АБДУРАҲМОНИ ҶОМӢ – РОҲНАМОИ БУЗУРГИЮ ХИРАДМАНДӢ

Нашр шуд вт, 08/23/2022 - 12:42

ҲИКМАТИ ЯКУМ.Афридун (Фаридун, яке аз подшоҳони асотирии «Шоҳнома»), ки дар замини шафқат ҷуз тухми насиҳат накишт, ба фарзандони худ ин тавқеъ (фармон) навишт, ки сафаҳоти айём сафҳаи эъмор (бино кардан, эҷод намудан) аст, дар он манависед ҷуз он чӣ беҳтарини аъмол ва осор аст.
Қитъа
Сафҳаи даҳр бувад дафтари умри ҳама халқ,
Инчунин гуфт хирадманд, чу андеша гумошт.
Хуррам он кас, ки бар ин дафтари пок аз ҳама ҳарф,
Рақами хайр кашиду асари хайр гузошгт [1, С. 47].
 

ШОДБОШӢ

Нашр шуд вт, 08/23/2022 - 12:39

22 августи соли равон Рустам Азизӣ муовини директори Маркази исломшиносӣ дар назди Президенти Ҷумҳурии Тоҷикистон ва котиби илмӣ Марамбек Марамбеков ҷашни фархундаи зодрӯз доранд.

Роҳбарият ва иттифоқи касабаи кормандони Маркази исломшиносӣ Азизӣ Рустам ва Марамбек Марамбековро ба муносибати рӯзи мавлудашон самимона табрику таҳният гуфта, барояшон тани сиҳат, хотири ҷамъ, бахту саодати абадӣ ва хушнудию хушрӯзгорӣ таманно менамояд. 

Ғурури миллиро бояд ҳифз кард!

Нашр шуд вт, 08/23/2022 - 11:51

Ба андешаи аксари муҳаққиқони илмҳои ҷомеашиносӣ, бегонопарастӣ ҳамчун зуҳуроти манфӣ решаҳои таърихӣ дорад. Агар ба таърихи миллати мо нигоҳ намоем, пас саҳифаҳои қаҳрамонию далерӣ, инсондўстию хоксорӣ ва меҳмоннавозӣ аз зумраи сифатҳои зотии миллати мо будаанд. Дуруст аст, ки таърих нисбат ба халқи мо беадолатиҳои зиёдро раво дидааст ва дар байни фарзандони миллати мо баъзе аз бегонапарастию хидматгузории бегонагон мушоҳида шудааст, вале ин ба ҳеҷ сурат аз унсурҳои миллии мо набуда, балки дигар хислатҳои ҳамидаи тоҷикро ҳамеша дар маркази муносибатҳои илмию адабӣ қарор додааст. 

ХИЗМАТИ ҲАРБӢ САДОҚАТУ САМИМИЯТ БА ХАЛҚУ ВАТАНРО ТАЛАБ МЕНАМОЯД!

Нашр шуд пн, 08/22/2022 - 21:49

Ҳар як афсару сарбоз ва ҳар як ҷавоне, ки ба сафи Қувваҳои Мусаллаҳ дохил шуда, савганди ҳарбӣ ёд мекунад, ҳамеша дар хотир дошта бошад, ки хизмати ҳарбӣ, аз ӯ, пеш аз ҳама, иродаи матин, донишу маърифати муосир ва эҳсоси садоқату самимият ба халқу Ватанро талаб менамояд.

Чунки ҳифзу ҳимояи амнияти давлат, суботу оромии ҷомеа ва ҳаёти осудаи сокинони мамлакат ба зиммаи хизматчиёни ҳарбӣ, яъне ҳайати шахсии сохторҳои низомӣ ва мақомоти ҳифзи ҳуқуқ гузошта шудааст ва онҳо вазифадоранд, ки ин неъмати бебаҳо – сулҳу субот ва оромиву осоиши ҷомеаро чун гавҳараки чашм эҳтиёт кунанд.

БАЪЗЕ КАЛИМАҲОИ ТОҶИКӢ ДАР ҚУРЪОНИ КАРИМ

Нашр шуд пн, 08/22/2022 - 21:20

Забони тоҷикӣ дар густариши тамаддуни исломӣ ҷойгоҳи хос дошта, дар тамоми сарчашмаҳои исломӣ аз китоби Худою аҳодиси паёмбари Ислом то осори гаронарзиши динию фалсафӣ калимоту ибороти тоҷикӣ ба чашм мехӯран. Баъзан матни пурраи ин осор бо забони тоҷикӣ китобат шудаанд. Аз аввалин сарчашмаҳои муътамади исломӣ, ки дар он вожаҳои тоҷикӣ ба чашм мерасад, ин Қуръони карим аст, ки дар пояи он дигар маохизи динӣ ва баъзе осори адабӣ, аз қабили "Маснавии маънавӣ"-и Ҷалолиддини Балхӣ, таърихӣ "Таърихи Табарӣ"-и Муҳаммад Ҷарири Табарӣ ва ғайраҳо ба таълиф расидаанд.

Мавқеи пуртаноқузи бунёдгари ифротӣ Абу Муҳаммади Маданӣ

Нашр шуд пн, 08/22/2022 - 08:56

Хеле тааҷҷубовар аст, ки ҳомиёни ифротии дини ислом аз дини ислом дифоъ карданӣ шуда, худ ба чандин иштибоҳ роҳ медиҳанд. Андеша бар аҳкоми онҳо аз он далолат менамояд, ки онҳо бо истифода аз Қуръону Суннат дини исломро яктарафа, муғризона ва дар шакли эҷоднамудаи худ пешкаши мардум менамоянд, ноогоҳ аз он ки дар ин самт худ ба ҳолати пурихтилоф дучор гардидаанд. Яке аз ин ифротиён Абу Муҳаммади Маданӣ аст, ки тибқи нигоҳи ӯ танҳо ӯ мусалмон асту дигарон ҳама кофир. Номбурда дар рисолааш «Омӯзиши Ла илаха иллаллаҳ», саҳ.

Ҷумла хашм аз кибр хезад, аз такаббур пок шав!

Нашр шуд пн, 08/22/2022 - 05:38

❗Ҷумла хашм аз кибр хезад, аз такаббур пок шав,
Гар нахоҳӣ кибрро, рав, бе такаббур хок шав!
Хашм ҳаргиз барнахезад ҷуз зи кибру мову ман,
Ҳар дуро чун нардбон зер ору бар афлок шав!
Ҳар куҷо ту хашм дидӣ, кибрро дар хашм ҷӯ,
Гар хушӣ бо ин ду морат, худ бирав, Заҳҳок шав!
Гар зи кибру хашм безорӣ, бирав кунҷе бихусб,
В-ар зи кибру хашм дилшодӣ, бирав, ғамнок шав!
Хашми сагсорон раҳо кун, хашм аз шерон бибин,
Хашм аз шерон чу дидӣ, сар биниҳ, шишок шав!
Луқмаи ширин, ки аз вай хашм ангезад, махур,

Страницы

Яндекс.Метрика