Бахшида ба 115-солагии академик
Бобоҷон Ғафуров ва эълони озмуни
ҷумҳуриявии "Тоҷикон"-оинаи таърихи
миллат" шумораи нахустини нашрияи
илмӣ-оммавии "Паёми Осорхонаи
ҷумҳуриявии академик Бобоҷон
Ғафуров" ба нашр расид.

Маҷмӯа бо ду забон таҳия гашта, мақолаҳо
оид ба рӯзгор ва осори илмии Қаҳрамони
Тоҷикистон, академик Бобоҷон Ғафуров
ва пажӯҳишҳо роҷеъ ба масоили таъриху
фарҳанги миллиро фаро мегирад.

Савол: Зане, ки аз шавҳараш ҷудо шуда бошад, бе вакил ва бидуни иҷозати волидонаш метавонад, ки бо марди хостгораш издивоҷ кунад?

Ҷавоб: Аз нигоҳи мазҳаби ҳанафӣ зани шавҳардида метавонад, ки бе иҷозати волидони худ издивоҷ кунад. Вале барои бобаракат шудани никоҳ ва хушбахт шудан ризояти волидон ва дуои хайри онҳо лозим аст. Набояд фаромӯш кард, ки барои дуруст шудани никоҳ ҳузури шоҳидон зарурӣ ва ҳатмӣ мебошад.

Раёсати фатвои Маркази исломӣ

Таҳиякунанд:
Абдуллоҳи Қодирӣ - корманди шуъбаи пажӯҳиши исломи муосир

❗Ҷон аз он лабҳо ҳикоят мекунад,
Тӯтӣ аз шаккар ривоят мекунад.
Ҳар кӣ мегӯяд ҳадиси салсабил,
3-он лаби нӯшин киноят мекунад.
Аз рақибон мекунад паҳлӯ тиҳӣ,
Ҷониби моро риоят мекунад.
Чашми шӯхаш мекашад теғи ҷафо,
Лаъли ҷонбахшаш ҳимоят мекунад.
Дур аз он лаб ҷон яке нолон най аст,
«Бишнав аз най чун ҳикоят мекунад»,
3-он лаби ҳамчун шакар монда ҷудо,
«Аз ҷудоиҳо шикоят мекунад».
Қатли Ҷомиро чӣ ҳоҷат захми теғ,
Ғамзае ӯро кифоят мекунад!
А.Ҷомӣ
Шуъбаи пажӯҳиши исломи муосир

Ба андешаи мо, инсоният ва сайёраи Замин тули мавҷудият ва ҳастии худ ҳаргиз ба чунин вартаи муҳлик, хатарбору хатарзо, номуайяну баённопазир ва пешгӯинашаванда рӯбарӯ наомада буд. Мудҳиш он аст, ки ин таҳдид ва хатарҳо бар сари инсоният баякборагӣ аз чор сӯ чу бодҳои нобаҳангом қасди вазидан доранд.