Хушбахтона Абўҳанифа баъд аз худ матнҳои эътиқодии зиёде боқӣ гузошта буд, ки то замони мо теъдоди чанде аз онҳо дар шакли рисолаҳо расидаанд. Дар байни ин дастхатҳои ҷолибе, ки боқӣ мондаанд, бидуни шак мустақиман ба замони таъсиси мактаби каломии Абўҳанифа мутааллиқ мебошанд.
Дар асоси маълумоти боэътиборе, ки дар даст дорем, бо қотеъият метавон таъкид сохт, ки бунёди каломии Мовароуннаҳрро қабл аз ҳама таълимот ва осори ба илми калом бахшидаи Абӯҳанифа ташкил додааст.
