Дӯстиву рафоқат, сулҳу оромиш ва ваҳдат дар меҳвари эҷоду осори мутафаккирони бузурги мо қарор дошт. Агар баъзе касони ноогоҳ Фирдавсии бузургворро ҷангноманавису «Шоҳнома»-и безаволашро ҷангномае беш намедонанд, сахт иштибоҳ мекунанд, зеро ғояҳои баланди ватандӯстӣ, ҳифзи марзу буми Меҳан аз душман, наварзидани кинаву адоват дарунмояи осори ин ҳакими тавоно аст. Мафҳуми меҳанпарастӣ (патриотизм) дар фарҳанги ҷаҳон маҳз аз «Шоҳнома» сарчашма мегирад, зеро ин шоҳасарро бузургони дунё дар баробари асарҳои «Иллиада», «Одиссея» ва «Троя»-и юнонӣ сутудаанду зикр кардаанд.

Дар берун аз Ватан бахт вуҷуд надорад, бигузор, ҳар кас дар сарзамин худ реша давонад.
И. ТУРГЕНЕВ
*
Худатро ба Ватан ҳар қадар наздик гирӣ, онро ҳамон қадар бештар дӯст медорӣ.
А. БЛОК
*
Дар қалби ҳар инсон қиёфаи халқи худаш зиндагӣ мекунад.
Г. ФРЕЙТАГ
*
Ҳар кас кишвари худро дӯст надорад, ҳеч чизро дӯст дошта наметавонад.
Ҷ. БАЙРОН
*
Ҳар кас аз Ватани худ рӯ гардонад, аз виҷдони худ низ рӯ мегардонад.
Я. ГАЛАН
*
Ватани худро доғдор кардан маънои фурӯхтани онро дорад.
В. ГЮГО
*

28 июл таҳти раёсати Сарвазири Ҷумҳурии Тоҷикистон Қоҳир Расулзода маҷлиси Ҳукумати Ҷумҳурии Тоҷикистон баргузор гардид.

Худшиносии миллӣ аз дӯст доштани Ватан, модар, забон, таърих ва арзишҳои таърихиву фарҳангӣ сарчашма мегирад. Худшиносии миллӣ ин решаи миллат аст, агар давлати миллӣ заиф бошад, миллат пароканда мегардад. Бинобар ин, мо бояд барои мустаҳкам намудани мактаби худшиносии миллӣ, ки асосҳои он ватанпарастӣ, хештаншиносӣ ва ҳувияти миллӣ мебошанд, тамоми кӯшиши худро ба харҷ диҳем.

Донишмандони мо бар ин назаранд, ки худшиносии миллӣ ин дарк намудани зарурати ваҳдат, якпорчагии обу хок ва марзу буми миллӣ, иттиҳоди мардум, дарки зарурати иттифоқ ва ҳамбастагӣ аст.