Китобхона

Марде назди фақеҳе рафт ва гуфт эй обид суоле дорам, обид гуфт бигӯ.
Гуфт: намози худамро шикастам. Обид гуфт далелаш чи буд?

Мард гуфт: ҳангоми иқомаи намоз дидам дузде кафшҳоямро рабуд ва фирор кард бар-он шудам, ки намоз бишканам ва кафшамро аз дузд бигирам.
Ва ҳоло мехоҳам бидонам, ки корам дуруст аст ё нодуруст?

Обид гуфт: кафши ту чанд дирҳам қимат дошт?
Мард гуфт: 5 дирҳам

Обид гуфт: эй мард кори баҷо ва писандидае кардаӣ, зеро намозе, ки ту мехондӣ 2 дирҳам ҳам намеарзид!

Таҳиякунандаи мавод: Абдуллоҳи Қодирӣ

Ин тасвири як вилгард (ҳарзагард, бекора) ва ё гадо нест, балки тасвири ғӯли адабиёт ва мутафаккири Русия ва ҷаҳон, "Лев Толстой" аст.
Ӯ дорои сарвати ҳангуфт ва заминҳои густурдае буд, ки ҳамаро ба бенавоён бахшид ва дарвешона зиндагӣ кард.
Ӯ чи зебо мегуфт:
"Бо ман аз дин сӯҳбат накунед, балки бигузоред динро дар кирдори шумо бубинам".
Ӯ мегуфт:
"Диндоритонро ба Худо нишон диҳед, на ин ки ба рухи якдигар бикашед".

Таҳиякунандаи мавод : Абдуллоҳи Қодирӣ

❗Ашк як лаҳза ба мижгон бор аст,
Фурсати умр ҳамин миқдор аст.
Зиндагӣ олами осоиш нест,
Нафас оинаи ин асрор аст.
Баски гарм аст ҳавои гулшан,
Ғунча ин ҷо сари бедастор аст.
Шишасози нами ашке нашавӣ,
Олам аз сангдилон, кӯҳсор аст.
Хишти доғест иморатгари дил,
Хонаи ойина як девор аст.
Майкашӣ сурмаи ирфон нашавад,
Биниш аз чашми қадаҳ душвор аст.
Ҳамчу ойина, агар соф шавӣ,
Ҳама ҷо анҷумани дидор аст.
Гўш, гӯ, то шавад ойинаи роз,
Нолаи мо нафаси бемор аст.

Рӯзи 19-уми майи соли равон дар Маркази “Тоҷикшиносӣ”-и Китобхонаи миллӣ маҳфили "Тоҷикшиносӣ" баргузор мегардад.

Дар маҳфил доктори илмҳои таърих, профессор Сайфуллоҳ Муллоҷонов оид ба китоби “Тоҷикон”-и Бобоҷон Ғафуров ва марҳилаҳои худшиносии тоҷикон, шахсияти Бобоҷон Ғафуров дар замони соҳибистиқлолӣ суҳбат хоҳад кард.

Оғоз: соати 10:00
Макон: Ошёнаи 9-уми Китобхонаи миллӣ
Вуруд озод аст.

Манбаъ: Аз саҳифаи Ҷаҳонгиршоҳи Рустам.