❗Эй забони Балъамиву Рӯдакӣ,
Меҳри ту парвардаам аз кӯдакӣ.
“Шоҳнома” бо ту обу ранг ёфт,
Дар ҷаҳон халқам зи ту фарҳанг ёфт.
Ибни Сино дар Бухорои куҳан,
Кошт дар марзи шифо тухми сухан.
Бо ҳамин имло Низомӣ зода буд,
Бар ту, эй лафзи дарӣ, дил дода буд.
Килки пуршӯри Камол андар Хуҷанд,
Бо ту иншо кард ашъори баланд.
Мисли Саъдӣ, Ҷомии ширинкалом,
Дурри маънӣ суфт бо азми тамом.
Ҳарчи оҳанги гуворо медиҳӣ,
Анҷуманро зебу оро медиҳӣ.
Сабз бодо, то абад домони ту,
Эй муборак бод ин даврони ту!
То ба ҷон бошад рамақ ё ки нафас,
Мо барои равнақат кӯшему бас!
✍️Карим Раҳим
Бознашр аз саҳифаи Марвориди тоҷику форс
