Насиҳати Мавлоно ба фарзандаш Султон Валад:

Агар хоҳӣ доимо дар биҳишт бошӣ, бо ҳама дӯст шав ва кинаи касеро дар дил нагир, зеро чун шахсеро аз рӯи дӯстӣ ёд кунӣ, доиман шодмон бошӣ ва он шодӣ ҳамон биҳишт аст. Ва агар касеро аз рӯи душманӣ ёд кунӣ, доим дар ғам бошӣ ва он ғам ҳамон дӯзах аст.

Чун дӯстонро ёд кунӣ, бӯстони дарунат аз хушӣ мешукуфад ва аз гулу райҳон пур мешавад. Ва чун зикри душманӣ мекунӣ, боғи дарунат аз хорзору мор пур мешаваду пажмурда мегардӣ.

Си Ҷинпин ба Тоҷикистон меояд.
Имрӯз нақшаҳои муштараки омодагии ҳамаҷониба ба сафари давлатии қарибулвуқӯъи раисҷумҳури Чин Си Ҷинпин ба Тоҷикистонро вазири корҳои хориҷии Тоҷикистон Сироҷиддин Муҳриддин ва муовини вазири корҳои хориҷии Чин Сун Вейдун баррасӣ карданд.

Дар мулоқот масоили таҳким ва тавсеаи шарикии ҳамаҷонибаи стратегии Тоҷикистон ва Чин дар бахшҳои сиёсӣ, низомию техникӣ, тиҷоративу иқтисодӣ, фарҳангӣ ва гуманитарӣ низ баррасӣ шуд, хабар медиҳад ВКХ.

Аз сомонаи ВКХ

Шуъбаи иттилоот ва ташхиси диншиносӣ

26 апрел Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо сафари расмӣ ба Ватикан ташриф оварданд.

Дар саҳни ҳавлии Сан-Дамасо ба хотири истиқболи сазовари меҳмони олимақом Горди фахрӣ саф орост.

Дар бинои Тахти Олишаън Сарвари давлат муҳтарам Эмомалӣ Раҳмонро Попи Рим Франсиск самимона истиқбол гирифт.

Дар вохӯрӣ миёни Президенти Ҷумҳурии Тоҷикистон муҳтарам Эмомалӣ Раҳмон ва Попи Рим Франсиск масоили таҳкими ҳамкории судбахш баррасӣ гардид.

Дар доираи сафари расмӣ ба Ҷумҳурии Италия Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баъди мулоқот бо Мудири кулли Созмони озуқа ва кишоварзии Созмони Милали Муттаҳид дар қароргоҳи созмони мазкур дар маросими муаррифии навъҳои тоҷикии зардолу, ангур ва хушкмеваи Тоҷикистон иштирок карданд.

Иттилоъ дода шуд, ки зардолу ҳамчун дарахти мевадиҳанда таърихи зиёда аз 4 ҳазорсола дошта, аз рӯи ақидаи олимон ҳудуди Тоҷикистон яке аз минтақаҳои пайдоиши он эътироф гардидааст.