Дин аз замони қадим ҳамчун омили муттаҳидкунанда ва ҳам ҷудоиафкан буд ва то ҳанӯз боқӣ мондааст. Аммо риоя накардани таҳаммулпазирӣ дар ифодаи динию мазҳабии он ҳатто дар ҷомеаҳои муосир сабаби ҷангу фоҷиа ва харобию нооромӣ мегардад. Эътироф накардан ва беэътиноӣ зоҳир намудан ба эҳсосот ва арзишҳои эътиқодии пайравони динҳои дигар боиси сар задани ҷангҳои хунин, пора-пора шудани давлатҳо ва ба мушкилот мувоҷеҳ шудани миллатҳо гардидааст.

Сармутахассиси шуъбаи пажӯҳиши маъхазҳои исломӣ Нуриддин Муминзода дар конфронси байналмилалии «Одинадцатые Смирновские чтения по логике», ки рӯзҳои 18-21 июни соли 2019 дар шаҳри Маскави Федератсияи Русия баргузор гардид, иштирок намуд. Мантиқшиноси љавон дар конфронси мазкур дар мавзӯи «Абу Бакр ар-Рази родоначальник логических наук в мусульманском Востоке» баромад намуд. Чи тавре аз номаш маълум аст, конфронси мазкур ёздаҳумин бор баргузор мегардад, ки он ба хотираи олимони барљастаи соҳаи мантиқ Владимир Александрович ва Елена Дмитриевна Смирновҳо бахшида шудааст.

Ҳар гоҳ дар бораи ба миён омадани консепсияи ваҳдати миллӣ дар Ҷумҳурии Тоҷикистон баъд аз пошхӯрии Иттиҳоди Шӯравӣ сухан доир шавад, марҳилаи оғози расидан ба истиқлолияти давлатӣ пеши назар меояд. Дар солҳои 80-90-ум асри ХХ дар заминаи бӯҳрони ҷанги Афғонистон ва суст шудани пояҳои идеологияи давлатӣ на танҳо дар байни пайравони ислом, балки дар миёни муътақидони дину мазҳабҳои амалкунандаи дигари ҷомеаи шӯравӣ ҳам як ривоҷу равнақи бесобиқаи боло рафтани сатҳи таъсири ҷаҳонбинии динӣ шиддат гирифт.

Сардори шуъбаи пажуҳиши исломи муосир Нурулҳақов Қамар дар Симпозиуми байналмилалии Имоми Аъзам Абуҳанифа (р.а.), ки рӯзҳои 19-20 июли 2019 дар шаҳри Кобули ҶИА бо шукӯҳи хосса бахшида ба 1320 солагии пешвои мазҳабии аксари мусулмонони ҷаҳон баргузор гардид, ширкат ва маърӯза намуд. Дар маърӯза, ки «Таҳаммулпазирӣ - ҷавҳари таълимоти каломӣ-фиқҳии Имоми Аъзам Абуҳанифа» ном дошт, ҷанбаҳои гуногуни таҳаммулпазирӣ дар афкори Имоми Аъзам ва мазҳаби таҳаммулгарои ҳанафия баррасӣ ва баёни худро ёфтанд.